Gas sem gerir manna mun.

Það er sérstakt gasið sem kemur upp úr iðrum jarðar í þessu gosi. Það sérstaka við það er hversu mikinn manna mun það gerir. Almenningi er haldið frá,hann er sektaður og kærður ef hann ætlar sér að nálgast gosstöðvarnar og borið er við að þetta sé hættulegt. Jú auðvitað eru eldgos hættuleg,sprengingar sem þeim fylgja,gastegundir,vellandi hraun,hraun sem veltur áfram eða rennur(fer eftir því hversu þunnt það er) enda fer enginn og kemst enginn nálægt vegna hitans sem leggur frá þessu. Fólk gæti svo verið vindmegin við þetta og þá fer gasið frá því en ekki að en almenningi er ekki treyst fremur venju þó alltaf sé verið að tala um að auka traustið hér frá hruninu.Nei almannavarnir,ríkislögreglustjóri og ríkisstjórn veit betur.Og gasið gerir mannamun því vísindamenn mega vera þarna með gasgrímu og fjölmiðlamenn líka á eigin ábyrgð. Sem sagt að gasið er ekki eins hættulegt vísinda og fréttamönnum eins og almenningi,ekki einu sinni þó almenningur myndi vera þarna á eigin ábyrgð. Þetta er skrítin gastegund.

Lögregla vaktar gossvæðið